- 40 మంది లబ్దిదారులకు కల్యాణ లక్ష్మి /షాదీ ముబారక్ చెక్కులు పంపిణి
నమస్తే శేరిలింగంపల్లి : శేరిలింగంపల్లి నియోజకవర్గంలోని కొండాపూర్, గచ్చిబౌలి, శేరిలింగంపల్లి, మాదాపూర్, మియాపూర్, హఫీజ్ పేట్ , చందానగర్, భారతి నగర్ నగర్ డివిజన్ల పరిధిలోని 40 మందికి కల్యాణ లక్ష్మి /షాదీ ముబారక్ పథకం కింద రూ. 40 లక్షల 4వేల 640 మంజూరయ్యాయి. ఈ సందర్బంగా మియాపూర్ లోని ఎమ్మెల్యే క్యాంప్ కార్యాలయంలో కార్పొరేటర్లు ఉప్పలపాటి శ్రీకాంత్, మంజుల రఘునాథ్ రెడ్డి తో కలిసి ఆర్థిక సహాయానికి సంబందించిన చెక్కులను ప్రభుత్వ విప్ ఆరెకపూడి గాంధీ లబ్దిదారులకు అందజేశారు. ఈ సందర్బంగా ప్రభుత్వ విప్ గాంధీ మాట్లాడుతూ కరోనా లాంటి విపత్కర పరిస్థితుల్లోనూ పేదల సంక్షేమమే ధ్యేయంగా సీఎం కేసీఆర్ ప్రభుత్వం పని చేస్తోందని పేర్కొన్నారు. దేశంలో ఏ రాష్ట్రంలో అమలు చేయని సంక్షేమ పథకాలను తెలంగాణ ప్రభుత్వం అమలు చేస్తూ సంక్షేమ ప్రభుత్వంగా పేరుగాంచిందని వివరించారు. అర్హులైన ప్రతి ఒక్కరూ ప్రభుత్వ సంక్షేమ పథకాలను సద్వినియోగం చేసుకోవాలని కోరారు. ఈ కార్యక్రమంలో మాజీ కౌన్సిలర్లు మోహన్ గౌడ్, వీరేశం గౌడ్, లక్ష్మీనారాయణ గౌడ్, చందానగర్ డివిజన్ అధ్యక్షుడు రఘునాథ్ రెడ్డి , మాదాపూర్ డివిజన్ అధ్యక్షుడు ఎర్రగుడ్ల శ్రీనివాస్ యాదవ్, హఫీజ్ పేట్ డివిజన్ అధ్యక్షుడు బాలింగ్ గౌతమ్ గౌడ్, తెరాస నాయకులు జనార్దన్ రెడ్డి, ప్రసాద్, కర్ణాకర్ గౌడ్, కాజా, సీతారాం కార్యకర్తలు పాల్గొన్నారు.
