నమస్తే శేరిలింగంపల్లి: కొండాపూర్ డివిజన్ రాఘవేంద్ర కాలనీ‌లోని శ్రీనిధి గ్లోబల్ స్కూల్ లో బతుకమ్మ సంబరాలు ఘనంగా నిర్వహించారు. పాఠశాల విద్యార్థులు, ఉపాధ్యాయులు రంగురంగు పూలతో బతుకమ్మలను పేర్చి పాఠశాల ఆవరణలో తెలంగాణ సంస్కృతి సాంప్రదాయాలు ఉట్టిపడేలా బతుకమ్మ ఆడారు. పాఠశాల చైర్మన్ నల్లపాటి వెంకటేశ్వర రావు పాల్గొని బతుకమ్మ సంబరాలను ప్రారంభించారు. ఈ సందర్భంగా ఆయన మాట్లాడుతూ తెలంగాణ పండగలకు ఎంతో విశిష్టత ఉంటుందన్నారు. సంస్కృతి సాంప్రదాయాలకు నిలువెత్తు నిదర్శనం బతుకమ్మ పండుగ అని పేర్కొన్నారు. భక్తి శ్రద్ధలతో బతుకమ్మ పండగను జరుపుకోవాలని ఆకాంక్షించారు.
Advertisement
