నమస్తే శేరిలింగంపల్లి: చందానగర్ అన్నపూర్ణ ఎంక్లేవ్ లోని విశాఖ శ్రీ శారదా పీఠపాలిత శ్రీ సాయిబాబా దేవాలయంలో గురుపౌర్ణమి వేడుకలు శనివారం వైభవంగా జరిగాయి. ఆలయ ప్రధాన అర్చకులు మురళీధర శర్మ పర్యవేక్షణలో ప్రాతః కాలం నుండే సాయిబాబాకు అర్చనలు, అభిషేకాలు, విశేష పూజలు నిర్వహించారు. చందానగర్ డివిజన్ కార్పొరేటర్ మంజులరఘునాథ్ రెడ్డి దంపతులు, ఆలయ వ్యవస్థాపక చైర్మన్ యువి రమణ మూర్తిలు సాయిబాబాకు ప్రత్యేక పూజలు నిర్వహించారు. ఈ సందర్భంగా మంజులరఘునాథ్ రెడ్డి మాట్లాడుతూ చందానగర్ డివిజన్ ప్రజలందరికి సాయిబాబా ఆశీస్సులు ఎల్లప్పుడూ తోడు ఉండాలని వేడుకున్నారు. ఈ కార్యక్రమంలో ఆలయ కమిటీ సభ్యులు, పరిసర ప్రాంతాల భక్తులు పెద్ద సంఖ్యలో పాల్గొన్నారు.
Advertisement
