శేరిలింగంపల్లి, న‌వంబ‌ర్ 2 (న‌మ‌స్తే శేరిలింగంపల్లి): సైబరాబాద్ మున్సిపల్ కార్పొరేషన్ (CMC) ఆధ్వర్యంలో సోమవారం నిర్వహించిన ప్రజావాణి కార్యక్రమానికి ప్రజల నుంచి మొత్తం 50 ఫిర్యాదులు అందాయి. వివిధ పౌర సమస్యలకు సంబంధించి ప్రజలు తమ ఫిర్యాదులను అధికారులకు సమర్పించారు.
విభాగాల వారీగా పరిశీలిస్తే టౌన్ ప్లానింగ్ విభాగానికి అత్యధికంగా 27 ఫిర్యాదులు అందగా, ఇంజినీరింగ్ విభాగానికి 14 ఫిర్యాదులు వచ్చాయి. పారిశుద్ధ్య విభాగం, సరస్సుల విభాగాలకు రెండేసి ఫిర్యాదులు అందాయి. ట్రేడ్ లైసెన్స్, పశువైద్యం, ప్రకటనలు, విద్యుత్, రెవెన్యూ (ఆస్తి పన్ను) విభాగాలకు ఒక్కొక్క ఫిర్యాదు చొప్పున అందినట్లు CMC వెల్లడించింది.
ప్రజల నుంచి అందిన ప్రతి ఫిర్యాదుకు ప్రత్యేక గుర్తింపు సంఖ్య (యూనిక్ ఐడీ), ట్రాకింగ్ లింక్ కేటాయించినట్లు అధికారులు తెలిపారు. తద్వారా ఫిర్యాదుదారులు తమ సమస్యల పరిష్కార స్థితిని ఎప్పటికప్పుడు తెలుసుకోవచ్చని పేర్కొన్నారు. సంబంధిత విభాగాల అధికారులు ఫిర్యాదులను క్షుణ్ణంగా పరిశీలించి, నిర్ణీత గడువులోగా పరిష్కరించాలని ఆదేశించారు. ప్రజా సమస్యల పరిష్కార పురోగతిని నిరంతరం పర్యవేక్షిస్తూ మెరుగైన పౌర సేవలు అందించేందుకు CMC కట్టుబడి ఉందని స్పష్టం చేసింది.
