నమస్తే శేరిలింగంప‌ల్లి: చందానగర్ డివిజన్ ప‌రిధిలోని అన్నపూర్ణ ఎన్‌క్లేవ్‌లో జ‌రుగుతున్న సిసిరోడ్డు పనులను డివిజన్ కార్పొరేట‌ర్ మంజుల ర‌ఘునాథ్‌రెడ్డి జిహెచ్ఎంసి అధికారుల‌తో క‌లిసి గురువారం ప‌రిశీలించారు. ఈ సందర్భంగా ఆమె మాట్లాడుతూ చందానగర్ డివిజన్ అభివృద్ధిలోభాగంగా కోట్లాది రూపాయ‌ల నిధుల‌తో ప‌లు కార్య‌క్రమాలు చేప‌డుతున్నామ‌ని, ప్రతి కాలనీలో మౌళిక సదుపాయాలు కల్పనకు కృషి చేస్తున్నట్లు తెలిపారు. ఈ కార్యక్రమంలో చందానగర్ డివిజన్ టిఆర్ఎస్ పార్టీ అధ్యక్షులు రఘునాథరెడ్డి, టిఆర్ఎస్ నాయకులు జనార్ధన్ రెడ్డి, రవిందర్ రెడ్డి, వేంకటేష్, కాలని వాసులు లింగారెడ్డి,ఆశిష్ రెడ్డి, శ్రీధర్ రెడ్డి, మహేందర్ రెడ్డి, శ్రీనివాస్, రమణ, రామచంద్రారెడ్డి తదితరులు పాల్గొన్నారు.
Advertisement
