నమస్తే శేరిలింగంప‌ల్లి: శేరిలింగంప‌ల్లి నియోజ‌క‌వర్గానికి చెందిన సివైజి గ్రూప్స్ అధినేత సి.యాద‌గిరి గౌడ్ శ్రీ రామ‌జ‌న్మ‌భూమి తీర్థ క్షేత్ర ట్ర‌స్ట్‌కు రూ. 51 వేల నిధిని స‌మ‌ర్పించారు. ఈ సంద‌ర్భంగా ఆయ‌న మాట్లాడుతూ ప్ర‌పంచ‌వ్యాప్తంగా ఉన్న రామ‌భ‌క్తుల శ‌తాబ్ధాల క‌ల నెర‌వేరుతున్న వేళ, భ‌వ్య రామ మందిర నిర్మాణంలో త‌మ వంతు భాగ‌స్వమ్యానికి అవ‌కాశం ల‌భించ‌డం అదృష్టంగా బావిస్తున్న‌ట్టు తెలిపారు. జ‌న‌జాగ‌ర‌ణ కార్య‌క్ర‌మంలో భాగంగ సి.యాదగిరిగౌడ్ ను క‌లిసిన జిల్లా పరిషత్ మాజీ వైస్ చైర్మన్ నందకుమార్ యాదవ్, ఆర్ఎస్ఎస్ సికింద్రాబాద్ విభాగ్ శారీరక్ ప్రముఖ్ నారాయణ మూర్తి, బిజేపి రంగారెడ్డి జిల్లా ప్రధాన కార్యదర్శి చింతకింది గోవర్ధన్ గౌడ్ రామసేవకులు పుట్ట వినయకుమార్ గౌడ్, అందెల కుమార్ యాదవ్ త‌‌దిత‌రులకు చెక్కును అంద‌జేశారు. రామ‌కార్యంలో పాలుపంచుకుంటున్న యాదగిరిగౌడ్ కు వారు కృత‌జ్ఞ‌త‌లు తెలిపారు.
