గచ్చిబౌలి(నమస్తే శేరిలింగంపల్లి): శేరిలింగంపల్లి వెస్ట్ జోన్ పరిధిలోని రహదారుల భద్రతా, ట్రాఫిక్ నియంత్రణపై సైబరాబాద్ ట్రాఫిక్ పోలీసు, జీహెచ్ఎంసీ అధికారులు బుధవారం సమన్వయ సమావేశాన్ని నిర్వహించారు. వెస్ట్ జోన్ కమీషనర్ రవికిరణ్, సైబరాబాద్ ట్రాఫిక్ డిసిపి విజయ్ కుమార్ ల ఆధ్వర్యంలో గచ్చిబౌలిలోని సైబరాబాద్ కమీషనరేటులో నిర్వహించిన ఈ సమావేశంలో చేపట్టవలసిన చర్యలపై పలు నిర్ణయాలను తీసుకున్నారు.
రహదారులపై ఏర్పాటు చేయాల్సిన విద్యుత్ దీపాలు, రోడ్ మార్కింగ్, ఫుట్ పాత్ ల ఏర్పాటు, ఫుట్ ఓవర్ బ్రిడ్జిల నిర్మాణం, నీరు నిలిచే ప్రాతాల్లో చేపట్టాల్సిన చర్యలు, డ్రైనేజీ, వాటర్ లీకేజీలు తదితర సమస్యలపై చర్చించారు. సమయానుకూలంగా సమస్యలను పరిష్కరించాలని అధికారులు నిర్ణయించారు. ఈ కార్యక్రమంలో మాదాపూర్ ట్రాఫిక్ ఎసిపి చంద్ర శేఖర్, ఇన్స్పెక్టర్ ఎం.శ్రీనివాస్,గచ్చిబౌలి ట్రాఫిక్ ఇన్స్పెక్టర్ నరసింహారావు, మియాపూర్ ఇన్స్పెక్టర్ సుమన్ కుమార్, సీఆర్ఎంపి, ఎన్ సిసి జనరల్ మేనేజర్ శివ ప్రసాద్ లతో పాటు జలమండలి, విద్యుత్ అధికారులు పాల్గొన్నారు.
