నమస్తే శేరిలింగంపల్లి: యాదాద్రి జిల్లా ఆత్మకూర్ మండలం పల్లెర్లలోని జిల్లా పరిషత్ ఉన్నత పాఠశాల విద్యార్థులందరికీ హైదరాబాద్ కి చెందిన దాత దొంతి లక్ష్మీనారాయణ గౌడ్ విరాళంగా షూస్ పంపిణీ చేశారు. ఈ సందర్బంగా లక్ష్మీనారాయణ గౌడ్ మాట్లాడుతూ క్రమశిక్షణతో కష్టపడి చదివి ఉన్నత స్థితికి చేరుకోవాలని ఆకాంక్షించారు.
గౌడకంఠమ్ ఎడిటర్ నోముల సిద్దూ గౌడ్ ఈ విషయాన్నీ తన దృష్టికి తీసుకొస్తే స్పందించి ఈ గ్రామానికి వచ్చి అందజేశామని చెప్పారు. అనంతరం గౌడకంఠమ్ ఎడిటర్ నోముల సిద్దూ గౌడ్ మాట్లాడుతూ విద్యాలయం తనకు దేవాలయమన్నారు. అందుకే తాను చదివిన స్కూల్ కి గతంలో ఇన్వెర్టర్, మైక్ సెట్ ఇప్పించనున్నారు. తన ఆత్మీయులు లక్ష్మీ నారాయణ గౌడ్ సహకారంతో ఈ కార్యక్రమం చేపట్టినట్లు తెలిపారు. స్కూల్ అభివృద్ధికి మరింత సహకారం అందిస్తానని చెప్పారు. దాతలు అందించే సహకారానికి ప్రధానోపాధ్యాయులు స్వామి ప్రత్యేక కృతజ్ఞతలు తెలిపారు. ఈ కార్యక్రమంలో లయన్స్ క్లబ్ ప్రతినిధులు అశోక్ గౌడ్, జనార్దన్ రెడ్డి, కరుణాకర్, రాంచందర్, ఉపాధ్యాయులు వెంకటనరసయ్య, భాస్కర్ రెడ్డి, షమీమ్, ఖలీమ్, లక్ష్మణ్, రవీందర్, విజయ, పల్లెర్ల కు చెందిన దేవేంద్ర చారీ పాల్గొన్నారు.
