నమస్తే శేరిలింగంపల్లి: చందానగర్ విశాఖ శ్రీ శారదా పీఠ పాలిత శ్రీ వేంకటేశ్వర స్వామి దేవాలయ సముదాయం లో ధనుర్మాస ఉత్సవాలు గురువారం నుండి ఘనంగా ప్రారంభమయ్యాయి. సాయంత్రం నుంచి శ్రీ పద్మావతి మాత, శ్రీ గోదాదేవి మాత సమేతంగా శ్రీ వేంకటేశ్వర స్వామి వారికి విశేష పంచామృత అభిషేకాలు, విశేష పుష్పాలంకరణలు జరిగాయి. శుక్రవారం నాటి నుంచి స్వామి వారి సేవలు ఉదయం 4.30 ని ల నుండి ఉదయం 10 గంటల వరకు రెండు రోజుల పాటు నిర్వహించనున్నట్లు ఆలయ కమిటీ సభ్యులు తెలిపారు. ప్రతీ రోజు సాయంత్రం 6.30 గంటల నుండి మహిళా భక్తులచే విష్ణు సహస్రనామ పారాయణం ఉంటుందని అన్నారు. ఈ విశేష కార్యక్రమంలో ఆలయ కమిటీ సభ్యులు సేవాసమితి సభ్యులు, పరిసర ప్రాంత భక్తులు పెద్ద సంఖ్యలో పాల్గొని స్వామి వారిని దర్శంచుకొని తీర్థ ప్రసాదాలు స్వీకరించారు.
Advertisement
