- సగరుల కుల గురువు భగీరథ మహర్షికి పూజలు చేసిన ఎమ్మెల్యే ఆరెకపూడి గాంధీ, కార్పొరేటర్లు
నమస్తే శేరిలింగంపల్లి : జగద్గిరి గుట్ట షిర్డీ హిల్స్ లో సగర ఉప్పర మహిళా సంఘం, సగర ఉప్పర యువజన సంఘం జగద్గిరిగుట్ట ఆధ్వర్యంలో రజతోత్సవ వేడుకలు ఘనంగా జరిగాయి. ఈ వేడుకలలో కార్పొరేటర్ మాధవరం రోజాదేవి రంగారావు తో కలిసి ఎమ్మెల్యే ఆరెకపూడి గాంధీ ముఖ్య అతిథిగా పాల్గొని ప్రసంగించారు. ఈ సందర్భంగా ఎమ్మెల్యే గాంధీ మాట్లాడుతూ సగర(ఉప్పర) మహిళా సంఘం, యువజన సంఘం రజతోత్సవ వేడుకలు నిర్వహించుకోవడం చాలా సంతోషకరమైన విషయమని, అభినందనలు తెలుపుతున్నట్లు చెప్పారు. జగద్గిరిగుట్ట శిరిడి హిల్స్ సగర సంగం కార్యాలయంలో ముందుగా సగరుల కుల గురువు భగీరథ మహర్షికి కార్పొరేటర్ మాధవరం రోజా దేవి రంగారావు తో కలిసి ప్రత్యేక పూజలు చేశారు.
సగర మహిళల విజ్ఞప్తి మేరకు ఇక్కడ ఉన్న ఈ స్థలంలో ఒక కిరిబే షెడ్ తో పాటు సగర మహిళలు ఆర్థికంగా ఎదగడానికి, వాళ్ల కాళ్లపై వాళ్లు నిలబడడానికి ఆర్థిక స్వాలంభన కోసం తన వంతు కృషిగా త్వరలోనే 50 కుట్టుమిషన్లు ఇప్పిస్తానని హామీ ఇచ్చారు.
ఈ కార్యక్రమంలో మాజీ కార్పొరేటర్ మాధవరం రంగారావు , తెలంగాణ సగర ట్రస్ట్ బోర్డ్ చైర్మన్ మారుతి సాగర్ తెలంగాణ సగర ఉప్పర సంఘం అధ్యక్షులు ఉప్పరి శేఖర్ సాగర్, స్థానిక సగర సంఘం అధ్యక్షులు కొండయ్య సాగర్, ప్రధాన కార్యదర్శి శ్రీనివాస్ సాగర్, మహిళా సంఘం అధ్యక్షురాలు కుసుమసాగర్, ప్రధాన కార్యదర్శి ఆర్ డి శాంత సాగర్, కోశాధికారి సిహెచ్ జ్యోతి సాగర్, యువజన సంఘం అధ్యక్షులు మోడల మురళి సాగర్, ప్రధాన కార్యదర్శి చిలకా శేఖర్ సాగర్, కోశాధికారి సంపత్ సాగర్, స్టీరింగ్ కమిటీ వైస్ చైర్మన్ మోడల్ రాములు సాగర్, గ్రేట్ తెలంగాణ బిసి అధ్యక్షులు బంగారు నరసింహ సాగర్, హైదరాబాద్ సగర ఉప్పర సంఘం అధ్యక్షులు మోడల్ రవి సాగర్, యాదాద్రి నిత్య అన్నదాన సత్రం అధ్యక్షులు కేపీ రాములు సాగర్, తెలంగాణ సగర ఉప్పర సంఘం గౌరవ అధ్యక్షులు ముత్యాల హరికృష్ణ సాగర్, నేషనల్ సాల్ట్ మేకర్ ఉపాధ్యక్షులు మందడి ఉదయ సాగర్, తెలంగాణ స్టేట్ యువజన సంఘం అధ్యక్షులు మరక సురేష్ సాగర్, ప్రధాన కార్యదర్శి మహేందర్ సాగర్, బ్రాంచీ సగర ఉప్పర మహిళా సంఘం సలహాదారులు మహిళా సంఘం సభ్యురాలు, యువజన సంఘం గౌరవ సలహాదారులు, కార్యవర్గ సభ్యులు, ప్రాంతీయ సాగర సంగం స్టీరింగ్ కమిటీ సభ్యులు, సలహాదారులు సగర కుటుంబ సర్వ సభ్యులు పాల్గొన్నారు.
