నమస్తే శేరిలింగంపల్లి : శేరిలింగంపల్లి నియోజకవర్గం పరిధిలోని పలువురు వైద్య చికిత్స నిమిత్తం ముఖ్య మంత్రి సహాయ నిధికి దరఖాస్తు చేసుకోగా సీఎంఆర్ ఎఫ్ నుంచి రూ. 3 లక్షల 50 వేలు మంజూరయ్యాయి. ఈ ఆర్ధిక సహాయానికి సంబంధించిన సీఎంఆర్ ఎఫ్ ఎల్ ఓసీ మంజూరి పత్రాలను బాధిత కుటుంబాలకి ప్రభుత్వ విప్ ఆరెకపూడి గాంధీ అందజేశారు.
కొండాపూర్ డివిజన్ పరిధిలోని మార్తాండ్ నగర్ కి చెందిన సయ్యద్ బాబు మియా కి రూ. 2 లక్షలు, శేరిలింగంపల్లి డివిజన్ పరిధిలోని లింగంపల్లి కి చెందిన అరుణకి రూ. 1 లక్ష 50 వేలు మంజూరైనట్లు తెలిపారు. ముఖ్యమంత్రి సహాయ నిధి నిరంతరం సేవలను అందిస్తూ ఆపదలో ఉన్న వారికి ఆపన్న హస్తంలా ఆదుకుంటున్నదని పేర్కొన్నారు. ఈ కార్యక్రమంలో బీఆర్ ఎస్ పార్టీ నాయకులు అబీబ్ బాయ్, కోనేరు రాగప్రసాద్ , సైదేశ్వరరావు, కాశినాథ్ యాదవ్, తిరుపతి, రజినీకాంత్, అబ్దుల్ రహమాన్ , కుమార్ పాల్గొన్నారు.
