నమస్తే శేరిలింగంపల్లి : శేరిలింగంపల్లి అసెంబ్లీ నియోజకవర్గం కాంగ్రెస్ పార్టీ కమిటీ గౌరవ అధ్యక్షులుగా టి.కృష్ణ, అధ్యక్షునిగా నల్ల సంజీవ రెడ్డి నియమితులయ్యారు. ఈ సందర్భంగా వారికి రంగారెడ్డి జిల్లా కాంగ్రెస్ కమిటీ అధ్యక్షులు చల్లా నర్సింహారెడ్డి, చేవెళ్ల పార్లమెంట్ సభ్యులు డాక్టర్.జి.రంజిత్ రెడ్డి సమక్షంలో శేరిలింగంపల్లి కాంగ్రెస్ ఇన్ చార్జి జగదీశ్వర్ గౌడ్ చేతులమీదుగా నియామక పత్రాలు అందించారు.
ఈ సందర్భంగా తెలంగాణ ముఖ్యమంత్రి, పిసిసి అధ్యక్షులు రేవంత్ రెడ్డికి, ప్రభుత్వ సలహాదారులు వేం నరేందర్ రెడ్డి, టిపిసీసీ వర్కింగ్ ప్రెసిడెంట్, ఎమ్మెల్సీ మహేష్ కుమార్ గౌడ్, డిసీసీ అధ్యక్షులు రంగారెడ్డి జిల్లా, అర్బన్ ఫైనాన్స్ ఇన్ఫ్రాస్ట్రక్చర్ డెవలప్మెంట్ కార్పొరేషన్ లిమిటెడ్ ఛైర్మన్ చల్లా నర్సింహ్మారెడ్డి, శేరిలింగంపల్లి ఇన్చార్జి వి జగదీశ్వర్ గౌడ్ తో పాటు తన నియామకానికి సహకరించిన ప్రతి ఒక్కరికి పేరు పేరున గౌరవ అధ్యక్షులు, అధ్యక్షులు ధన్యవాదాలు తెలిపారు.
