నమస్తే శేరిలింగంపల్లి : శిల్పారామం లో శ్రీ కూచిపూడి నృత్య నిలయం, యువ కళావాహిని ఆధ్వర్యంలో కులపతి మహా గురువు భాగవతుల రామకోటయ్య గారికి స్మృత్యంజలి సమర్పిస్తూ భాగవతుల సేతురాం తన శిష్యప్రశిష్యులతో “కూచిపూడి నృత్య కదంబ ” , సుసర్ల అరుణ కుమారికి భాగవతుల రామకోటయ్య అవార్డు ప్రదానం ఆధ్యాంతం రసరమ్యంగా సాగింది. అడపా భరణి, నళిని రమణ, శ్రీలత, వసంత సంధ్య , క్రాంతి కిరణ్ శిష్యులు వినాయక కౌతం, పుష్పాంజలి, కంజదళాయతాక్షి, సాయిబాబా హారతులు, వాళళుడి ప్రవేశ దరువు, అన్నమాచార్య అకీర్తన, రామదాసు కీర్తన, తరంగం, త్యాగరాజ కృతి మొదలైన అంశాలను రాగిణి, రాజేశ్వరి, హాసిని, రామ హృదయ, సంహిత, రిషిత , అనుశ్రీ, వాగదీశ్వరి, వసంత సంధ్య, సుష్మ ఉదయ్ నర్తించారు. డాక్టర్ ప్రసన్న రాణి, డాక్టర్ రామ దేవి, డాక్టర్ పద్మజ రెడ్డి, కళాకృష్ణ గురువర్యులు విచ్చేసి సుసర్ల అరుణకుమారికి భాగవతుల కోటయ్య అవార్డు ప్రదానం చేశారు. ప్రదర్శించిన కళాకారులను ఆశీర్వదించారు.
