రోల‌ర్ స్కేటింగ్ ఛాంపియ‌న్‌షిప్‌లో స‌త్తా చాటిన పూజ

శేరిలింగంప‌ల్లి, అక్టోబ‌ర్ 22 (న‌మ‌స్తే శేరిలింగంప‌ల్లి): రోలర్ స్కేటింగ్ ఛాంపియన్‌షిప్ లో కానరీ స్కూల్‌కు చెందిన పూజా కరిచేటి స‌త్తా చాటింది. అక్టోబర్ 5 నుండి 8వ తేదీ వరకు జరిగిన 62వ రోలర్ స్కేటింగ్ ఛాంపియన్‌షిప్ 2024 నేషనల్స్‌లో హైదరాబాద్‌లోని కానరీ స్కూల్‌కు చెందిన పూజా కరిచేటి అనే విద్యార్థిని తనదైన ముద్ర వేసింది. 7 పాయింట్లతో ఆమె 9 –11 బాలికల విభాగంలో రెండో స్థానంలో నిలిచి జాతీయ స్ధాయి పోటీకి ఎంపికైంది. గతంలో కూడా పూజ రాష్ట్ర ఛాంపియన్‌షిప్ విజయాల‌ను కైవసం చేసుకుంది. 1 ల్యాప్ రేసులో కాంస్యం, 500 మీటర్లు, 1000 మీటర్ల ఈవెంట్లలో రజతం సాధించడం విశేషం.

మెడ‌ల్‌తో పూజ

పూజ చూపించిన అసాధారణమైన ప్రతిభకు పాఠశాల తర‌ఫు నుండి చైర్మన్ డా. శ్వేతా రెడ్డి, ప్రిన్సిపాల్ లిడియా క్రిస్టినా, హెడ్ సీనియర్ స్కూల్ డా. నవీన్ కుమార్ ఇమ్మడి, పివైపి, ఈవై కోఆర్డినేటర్లు అపర్ణ, ముక్తా, అడ్మిన్ మేనేజర్ మహేష్ అక్కం తదితరులు పూజకు శుభాకాంక్షలు తెలియజేశారు.

Advertisement

LEAVE A REPLY

Please enter your comment!
Please enter your name here