చందానగర్ (నమస్తే శేరిలింగంపల్లి): పేదలకు హోప్ ఫౌండేషన్ చైర్మన్ కొండా విజయ్ కుమార్ చేస్తున్న సేవలు అభినందనీయమని ప్రభుత్వ విప్ ఆరెకపూడి గాంధీ అన్నారు. శుక్రవారం కొండా విజయ్ కుమార్ ఆధ్వర్యంలో ఏర్పాటు చేసిన కుట్టు మెషిన్లను గాంధీ మహిళలకు పంపిణీ చేశారు. ఈ సందర్భంగా ఆరెకపూడి గాంధీ మాట్లాడుతూ.. హోప్ ఫౌండేషన్ ఛైర్మన్ కొండా విజయ్ కుమార్ సామాజిక సేవా కార్యక్రమాలు చేయడం అభినందనీయమని అన్నారు. సమాజం కోసం ఏదో చేయాలనే తపన కలిగి ఉండడం చాలా గొప్ప విషయమని అన్నారు.
![](https://namastheslp.com/wp-content/uploads/2020/09/8040345d-ef5c-40d4-b8b9-85de4590a457.jpg)
ప్రతి ఒక్కరూ కొండా విజయ్ కుమార్ మాదిరిగా సమాజ సేవ చేసేందుకు ముందుకు రావాలని ఆరెకపూడి గాంధీ పిలుపునిచ్చారు. కొండా విజయ్ కుమార్ను ఆదర్శంగా తీసుకోవాలన్నారు. ఆయన ఫౌండేషన్కు భవిష్యత్తులో ఎలాంటి సహాయ సహకారాలు కావాలన్నా అందిస్తామని తెలిపారు.
ఈ కార్యక్రమంలో హోప్ ఫౌండేషన్ ఛైర్మన్ కొండా విజయ్ కుమార్, అన్వర్ షరీఫ్, మహేందర్ ముదిరాజ్, కాజా తదితరులు పాల్గొన్నారు.