నమస్తే శేరిలింగంపల్లి: సీసీ కెమెరాల ఏర్పాటుతో నేరాలను నియంత్రించవచ్చని మాదాపూర్ డివిజన్ కార్పొరేటర్ జగదీశ్వర్ గౌడ్ అన్నారు. హఫీజ్ పేట్ డివిజన్ పరిధిలోని హుడా కాలనీ వాసుల స్వంత నిధులు రూ. 2 లక్షల తో ఏర్పాటు చేసుకున్న 12 సీసీ కెమెరాలను చందానగర్ ఎస్ఐ రాములుతో కలిసి కార్పొరేటర్ జగదీశ్వర్ గౌడ్ శనివారం ప్రారంభించారు. ఈ సందర్భంగా జగదీశ్వర్ గౌడ్ మాట్లాడుతూ ప్రస్తుత తరుణంలో ప్రతి కాలనీలో సీసీ కెమెరాలను ఏర్పాటు చేసుకోవడం తప్పనిసరి అన్నారు. ఎస్ ఐ రాములు మాట్లాడుతూ నేరాల నియంత్రణ, ధర్యాప్తులో సీసీ కెమెరాల పాత్ర కీలకంగా మారనుందన్నారు. స్వంత నిధులతో సీసీ కెమెరాలను ఏర్పాటు చేసుకోవడం అభినందనీయమన్నారు. ప్రతి కాలనీ లో , ప్రతి ఇంటి ముందు సీసీ కెమెరాలను ఏర్పాటు చేసుకోవాలని కోరారు.ఈ కార్యక్రమంలో మోసినుద్దిన్, ఎం.ఏ బెగ్, విజయ్ కుమార్, సలీంబెగ్, నవీన్, చరణ్, రవి, కీర్తి, సుజాత, ప్రసాద్, రామారావు, యాదయ్య తదితరులు పాల్గొన్నారు.
