-ప్రధాని మోడి జన్మదిన వారోత్సావాల్లో భాగంగా వైద్యులకు సన్మానం
-రోగులకు పండ్లు, బ్రెడ్, బిస్కట్లు పంపిణీ చేసిన బిజెపి నాయకులు
కొండాపూర్ (నమస్తే శేరిలింగంపల్లి): ప్రధాని నరేంద్ర మోడీ జన్మదిన వారోత్సవాల్లో భాగంగా కొండాపూర్ ఏరియా ఆస్పత్రిలో సోమవారం బిజెపి సేవా సప్తాహ్ కార్యక్రమం నిర్వహించారు. కరోనా నేపథ్యంలో నిరంతర సేవలు కొనసాగిస్తున్న ఏరియా హాస్పిటల్ వైద్యులను ఆ పార్టీ జిల్లా నాయకులు చింతకింది గోవర్ధన్ గౌడ్, తోపుగొండ మహిపాల్ రెడ్డి, మక్తల స్వామి గౌడ్ ల సౌజన్యంతో ఘనంగా సన్మానించారు. అదేవిధంగా రోగులకు పండ్లు, బ్రెడ్, బిస్కెట్లు ప్యాకెట్లు పంపిణీ చేశారు. ఈ కార్యక్రమంలో ముఖ్య అతిథిలుగా పాల్గొన్న రాష్ట్ర నాయకులు బాల్ద అశోక్, నందకుమార్ యాదవ్ లు మాట్లాడుతూ ప్రధాని మోడి జన్మదినాన్ని పురస్కరించుకుని కోవిడ్ ఫ్రంట్ లైన్ వారియర్స్ ఐన ప్రభుత్వ వైద్యులను సత్కరించుకునే అవకాశం లభించడం సంతోషంగా ఉన్నారు. ఈ కార్యక్రమంలో డివిజన్ బిజెపి అధ్యక్షులు జయరామ్, సీనియర్ నాయకులు నార్రా జయలక్ష్మి, వినితా సింగ్, అంజనేయులు, శ్రీకాంత్ గౌడ్, చందు యాదవ్, వెంకట్ నాయక్, వెంకట్ రామణ, ప్రేమ్, రాజు తదితరులు పాల్గొన్నారు.
