నమస్తే శేరిలింగంపల్లి: ఆల్విన్ ఎక్స్ రోడ్ లో వినాయక చవితి పర్వదినాన్ని పురస్కరించుకుని భజరంగీ యువ సైన్యం ఏర్పాటు చేసిన వినాయక మండపాన్ని బిజెపి రాష్ట్ర కార్యవర్గ సభ్యులు, భాగ్యనగర్ గణేష్ ఉత్సవ సమితి అసెంబ్లీ కన్వీనర్ జ్ఞానేంద్ర ప్రసాద్ సందర్శించారు. ఈ సందర్భంగా స్వామి వారికి ప్రత్యేక పూజలు నిర్వహించారు. పరిసర ప్రాంతాల్లోని వినాయక మండపాలను దర్శించుకుని పూజ కార్యక్రమంలో పాల్గొన్నారు. ఈ సందర్భంగా జ్ఞానేంద్ర ప్రసాద్ మాట్లాడుతూ మట్టి వినాయకుని ప్రతిష్టించిన భజరంగీ యువ సైన్యం సభ్యులను ప్రత్యేకంగా అభినందించారు. కరోనా మహమ్మారి నుండి ప్రజలందరిని కాపాడి సుఖసంతోషాలతో, ఆయురారోగ్యాలతో ఉండేలా చూడాలని కోరుకున్నట్లు తెలిపారు. ఈ కార్యక్రమంలో బిజెపి డివిజన్ అధ్యక్షుడు శ్రీధర్ రావు, భాగ్యనగర్ గణేష్ ఉత్సవ సమితి డివిజన్ కన్వీనర్ పృథి కాంత్, కో కన్వీనర్ నవీన్, భజరంగీ యువ సైన్యం కమిటీ సభ్యులు శైలేష్, అరుణ్, సంతోష్, చిన్న, చెక్రి తదితరులు పాల్గొన్నారు.
