చందానగర్(నమస్తే శేరిలింగంపల్లి): చందానగర్ సర్కిల్ పరిధిలో ప్రస్తుత ఆర్థిక సంవత్సరంలో నిర్దేశించిన ఆస్తిపన్ను వసూలు ప్రక్రియలో వందశాతం ఫలితాలు సాధించాలని సర్కిల్ ఉప కమిషనర్ సుధాంశు నందగిరి అన్నారు. గురువారం సర్కిల్ కార్యాలయంలో టాక్స్ ఇన్స్పెక్టర్లు, ఏ ఎమ్ సి లు, బీసీల తో సమీక్ష సమావేశాన్ని నిర్వహించారు. ఈ సందర్భంగా సుధాంశు మాట్లాడుతూ 2019 20 ఆర్థిక సంవత్సరంలో చందానగర్ సర్కిల్ పరిధిలో 59 పాయింట్ 3 కోట్ల రూపాయలు ఆస్తిపన్ను వసూలు చేయగా ప్రస్తుత ఆర్థిక సంవత్సరానికి 83 కోట్ల రూపాయలు లక్ష్యం నిర్దేశింపబడింది అని తెలిపారు. జనవరి 27వ తేదీ నాటికి 63 కోట్ల 72 లక్షల రూపాయలు వసూలు చేయడం జరిగిందని మరో 4 కోట్ల 42 లక్షలు బకాయిలు పెండింగ్లో ఉన్నాయని తెలిపారు. ఆస్తి పన్ను విభాగపు అధికారులు గడువులోగా పూర్తి బకాయిలను వసూలు చేయాలని ఆదేశించారు.
Advertisement
