న‌మ‌స్తే శేరిలింగంప‌ల్లి: హ‌ఫీజ్‌పేట్ గ్రామానికి చెందన నిమ్మ‌ల మ‌నోహ‌ర్ గౌడ్(ఎన్ఎంజీ) ట్ర‌స్ట్ చైర్మ‌న్ నిమ్మ‌ల సాయికృష్ణ గౌడ్ శ్రీ రామ‌జ‌న్మ‌భూమి తీర్థ క్షేత్ర ట్ర‌స్ట్‌కు రూ,2 ల‌క్ష‌ల నిధిని స‌మ‌ర్పించారు. ఈ సంద‌ర్భంగా ఆయ‌న మాట్లాడుతూ ప్ర‌పంచ‌వ్యాప్తంగా ఉన్న రామ‌భ‌క్తుల శ‌తాబ్ధాల క‌ల నెర‌వేరుతున్న వేళ, భ‌వ్య రామ మందిర నిర్మాణంలో త‌మ వంతు భాగ‌స్వమ్యానికి అవ‌కాశం ల‌భించ‌డం అదృష్టంగా బావిస్తున్న‌ట్టు తెలిపారు. జ‌న‌జాగ‌ర‌ణ కార్య‌క్ర‌మంలో భాగంగ సాయికృష్ణ‌ను క‌లిసిన రామ సేవ‌కులు క‌న‌క‌మామిడి న‌రెంద‌ర్ గౌడ్, వెంక‌ట్ ముదిరాజ్ త‌దిత‌రులకు చెక్కును అంద‌జేశారు. రామ‌కార్యంలో పాలుపంచుకుంటున్న సాయికృష్ణ‌కు వారు కృత‌జ్ఞ‌త‌లు తెలిపారు.
Advertisement
