నమస్తే శేరిలింగంపల్లి: దళితబంధు పథకంలో భాగంగా చందానగర్ డివిజన్ పరిధిలోని PA నగర్ కాలనీ కి చెందిన పందిరి శిరోమణికి Ertiga కార్ మంజూరైంది. ఈ కారును కార్పొరేటర్లు రాగం నాగేందర్ యాదవ్, నార్నె శ్రీనివాసరావు, చందానగర్ డివిజన్ అధ్యక్షుడు రఘునాథ్ రెడ్డితో కలిసి ప్రభుత్వ విప్ ఆరెకపూడి గాంధీ లబ్దిదారుకు అందజేశారు. ఈ సందర్భంగా ప్రభుత్వ విప్ గాంధీ మాట్లాడుతూ దశల వారిగా దళిత బంధు పథకం పూర్తి స్థాయిలో అమలవుతుందని అన్నారు. దళిత బంధు పతాకం కింద కారును పొందిన సందర్భంగా లబ్ధిదారురాలు శిరోమణి హర్షం వ్యక్తం సీఎం కేసీఆర్, మంత్రి కేటీఆర్ , ప్రభుత్వ విప్ ఆరెకపూడి గాంధీలకు ప్రత్యేక కృతజ్ఞతలు తెలిపారు. కార్యక్రమంలో వివేకానంద నగర్ డివిజన్ అధ్యక్షుడు సంజీవ రెడ్డి, మాజీ ఎంపీపీ ఎర్ర నర్సయ్య, తెరాస నాయకులు గొట్టిముక్కల పెద్ద భాస్కర్ రావు, ప్రో.పి.వై.రమేష్, ఇరుగు అరుణ పాల్గొన్నారు.
