శేరిలింగంపల్లి, సెప్టెంబర్ 23 (నమస్తే శేరిలింగంపల్లి): చందానగర్ డివిజన్ ఇందిరానగర్లో ఏర్పాటు చేసిన అమ్మవారి మండపంలో నవరాత్రుల తొలి రోజు మిరియాల ప్రీతం తన కుటుంబ సభ్యులతో కలిసి పూజలు నిర్వహించి అమ్మవారి దర్శనం చేసుకున్నారు. ఈ సందర్భంగా మిరియాల ప్రీతం మాట్లాడుతూ అమ్మవారి కృప రాష్ట్ర ప్రజలపై చిరకాలం ఉండాలని, ప్రతి ఒక్కరికీ ఐశ్వర్యం, ఆయురారోగ్యం, శాంతి, సంతృప్తి లభించాలని కోరుకుంటున్నానని అన్నారు. ఆకాశంలో అన్ని నక్షత్రాలు ఒకే వికాసాన్ని పొందినట్లే, మనందరం అమ్మవారి దివ్య సన్నిధిలో ఓ కుటుంబంగా జీవించాలన్నారు. భక్తి మార్గంలో ముందుకు సాగుతూ సమాజానికి మానవీయ మన్ననను అందించే దిశగా ప్రతి ఒక్కరు సామూహిక పూజల్లో పాల్గొనాలన్నారు. ఇందిరానగర్ హనుమాన్ యూత్ అసోసియేషన్ ఆధ్వర్యంలో నిర్వహించిన ఈ కార్యక్రమంలో సాయి, కళ్యాణ్, శివ, నరేష్, విజయ్, సిద్దు పాల్గొన్నారు.
