శేరిలింగంప‌ల్లి, న‌వంబ‌ర్ 6 (న‌మ‌స్తే శేరిలింగంప‌ల్లి): మియాపూర్ లోని శ్రీ చైతన్య పాఠశాలలో జరిగిన శ్రీ చైతన్య విద్యాసంస్థల చైర్ పర్సన్ డాక్టర్ ఝాన్సీ లక్ష్మీ బాయి జన్మదినం సందర్భంగా చైతన్య ఎడ్యుకేషనల్ ట్రస్ట్ & దుర్గాబాయి దేశ్ ముఖ్ బ్లడ్ సెంటర్ సంయుక్తంగా నిర్వహించిన మెగా రక్తదాన శిబిరాన్ని శ్రీ చైతన్య విద్యాసంస్థల డైరెక్టర్ నాగేందర్ రావు, GM రవి కుమార్, సీనియర్ నాయకుడు రఘునాథ్ రెడ్డితో కలిసి PAC చైర్మన్ ఆరెకపూడి గాంధీ పాల్గొని ప్రారంభించారు. ఈ సందర్భంగా గాంధీ మాట్లాడుతూ మహా రక్త దానం శిబిరం నిర్వహించడం చాలా సంతోషకరమైన విషయం అని, ప్రతి ఒక్కరు సామాజిక బాధ్యతగా తప్పనిసరిగా రక్తదానం చేయాలని, నిండు ప్రాణాలను కాపాడినవారు అవుతారు అని అన్నారు. ఈ కార్యక్రమంలో శ్రీ చైతన్య విద్యాసంస్థల డీన్ లు సురేందర్ బాబు, శంకర్ రావు, శ్రీనివాస రావు, AGMలు రాంబాబు, హరి, మాధవ్, చంటి, సీనియర్ నాయకులు రఘునాథ్ రెడ్డి, ప్రసాద్, సందీప్ రెడ్డి, యశ్వంత్ తదితరులు పాల్గొన్నారు.
