- టేబుల్ టెన్నిస్ క్రీడాకారిణి, చైల్డ్ ప్రాడిజీ నైన జైస్వాల్
నమస్తే శేరిలింగంపల్లి : కేనరి ద స్కూల్లో 78వ స్వాతంత్ర దినోత్సవ వేడుక ఎంతో ఘనంగా జరిగింది. ముఖ్య అతిథిగా ప్రముఖ టేబుల్ టెన్నిస్ క్రీడాకారిణి, చైల్డ్ ప్రాడిజీ నైన జైస్వాల్ పాల్గొని పాఠశాల మేనేజింగ్ డైరెక్టర్ అరవింద్ రెడ్డి, చైర్ పర్సన్ శ్వేతా రెడ్డి చప్పిడిలతో కలిసి జెండా ఆవిష్కరణ చేశారు. అనంతరం నైన జైస్వాల్ మాట్లాడుతూ విద్యార్థులను కేవలం చదువులోనే కాకుండా క్రీడలల్లోనూ ప్రోత్సహించాలని తల్లిదండ్రులకు తెలిపారు.
విద్యార్థుల సర్వతోముఖాభివృద్ధికి బాటలు వేస్తున్న గౌతమీ ఎడ్యుకేషనల్ సొసైటీ చైర్మన్ శ్వేతా రెడ్డి చప్పిడి సేవలపై ప్రశంసించారు. వేడుకలో విద్యార్దులు చేసిన పలురకాల డ్రిల్స్, సాంస్కృతిక కార్యక్రమాలు అందరినీ ఎంతోగానో అలరించాయి. విద్యార్దులు క్రీడాస్ఫూర్తి ప్రదర్శించి పాల్గొన్న అన్ని ఆటలలో గెలుపొందిన వారికి బహుమతులు అందజేశారు. కార్యక్రమంలో ప్రిన్సిపాల్ లిడియా క్రిస్టినా, అడ్మిన్ మేనేజర్ మహేష్ అక్కం, కో ఆర్డినేటర్లు అపర్ణ, ముక్త రాతూర్, తల్లిదండ్రులు, ఉపాధ్యాయుని, ఉపాధ్యాయులు పాల్గొన్నారు.
