- భారతీయ జనతా పార్టీ కార్యవర్గ సభ్యులు రవికుమార్ యాదవ్
నమస్తే శేరిలింగంపల్లి: కోట్లాది మంది భారతీయుల హిందువుల నమ్మకానికి ప్రతీక అయోధ్య రామ మందిరంలో శ్రీ బాలరాముని విగ్రహ ప్రాణ ప్రతిష్ట అని భారతీయ జనతా పార్టీ కార్యవర్గ సభ్యులు రవికుమార్ యాదవ్ అన్నారు.
![](https://namastheslp.com/wp-content/uploads/2024/01/IMG-20240122-WA0024.jpg)
గచ్చిబౌలి డివిజన్, లింగంపల్లి డివిజన్ , కొండాపూర్ డివిజన్, ఆల్విన్ కాలనీ డివిజన్, వివేకానంద నగర్ డివిజన్ , మియాపూర్ డివిజన్ ,హఫీజ్ పేట్ డివిజన్, చందానగర్ డివిజన్ లలో శ్రీ రాముని శోభాయాత్ర కార్యక్రమాలు , బాలరాముని విగ్రహ ప్రాణ ప్రతిష్ట ప్రత్యక్ష వీక్షణ, పూజలు , అన్నదాన కార్యక్రమాలు నిర్వహించారు. ఈ కార్యక్రమంలో రవికుమార్ యాదవ్ పాల్గొని మాట్లాడారు. కోట్లాది మంది భారతీయుల 550 సంవత్సరాల నాటి స్వప్నం అయోధ్య శ్రీరామ మందిర నిర్మాణం , అందరి కలలను సాకారం చేస్తూ ప్రధాని నరేంద్ర మోడీ తీసుకున్న నిర్ణయం నేడు అయోధ్య రామ మందిర ప్రారంభోత్సవం సందర్భంగా ప్రజలందరికి అయోధ్య శ్రీ బాలరాముని విగ్రహ ప్రాణ ప్రతిష్ఠాపన మహోత్సవ శుభాకాంక్షలు తెలిపాటు.
![](https://namastheslp.com/wp-content/uploads/2024/01/IMG-20240122-WA0025.jpg)
స్వామి వారి ఆశీస్సులు ప్రజలందరిపై ఉండాలని, సుఖ సంతోషాలతో , ఆయురారోగ్యాలతో ఉండాలని కోరుకున్నారు. కార్యక్రమాలలో రాష్ట్ర నాయకులు, జిల్లా నాయకులు, డివిజన్ నాయకులు, కార్యకర్తలు, అభిమానులు ప్రజలు పెద్ద సంఖ్యలో పాల్గొన్నారు.