నమస్తే శేరిలింగంపల్లి: భారత స్వాతంత్ర్య సంగ్రామంలో అల్లూరి సీతారామరాజు ఒక మహోజ్వల శక్తి అని సాయుధ పోరాటం ద్వారానే భారతమాతకు విముక్తి కలుగుతుందన్న సిద్ధాంతాన్ని నమ్మి ఆ పోరాటంలోనే ప్రాణాలర్పించిన మన్యం విప్లవ వీరుడు అల్లూరి సీతరామరాజు అని ప్రభుత్వ విప్ శేరిలింగంపల్లి శాసన సభ్యులు ఆరెకపూడి గాంధీ అన్నారు. ఆదివారం అల్లూరి సీతారామరాజు 124 వ జయంతిని పురస్కరించుకుని మియాపూర్ డివిజన్ పరిధిలోని జేపీ నగర్ లో ఉన్న అల్లూరి సీతారామరాజు విగ్రహానికి స్థానిక కార్పొరేటర్ ఉప్పలపాటి శ్రీకాంత్ తో కలిసి పూలమాల వేసి ఘన నివాళి అర్పించారు.
ఈ సందర్భంగా ఎమ్మెల్యే ఆరెకపూడి గాంధీ మాట్లాడుతూ భారత దేశ స్వతంత్ర సంగ్రామంలో బ్రిటిష్ పాలనకు వ్యతిరేకంగా వీరోచిత పోరాటం చేసిన మహనీయుడు అల్లూరి సీతారామరాజు అని , మన్యం ప్రజలలో విప్లవ బీజాలు నాటి ప్రజలను చైతన్యపరిచి స్వతంత్ర సంగ్రామంలో పాల్గొనేలా ఉత్తేజపరిచారన్నారు. ఆయన అడుగు జాడలో యువత నడవాలని ప్రభుత్వ విప్ గాంధీ పేర్కొన్నారు. ఈ కార్యక్రమంలో టీఆర్ఎస్ నాయకులు పురుషోత్తం యాదవ్, శ్రీనివాస్ గోపారాజు, శ్రీనివాస్, చంద్రశేఖర్, రోజా, కృష్ణం రాజు ,పవన్ రాజు, హరికృష్ణ ,సుధాకర్ రెడ్డి, దుర్గ రాజు, సీతారామరాజు, శివరామరాజు, పుల్లం రాజు ,రమాదేవి ,క్రాంతి తదితరులు పాల్గొన్నారు.
