చందాన‌గ‌ర్‌ (న‌మ‌స్తే శేరిలింగంప‌ల్లి): చందాన‌గ‌ర్‌లోని విశాఖ శ్రీ శారదా పీఠ పాలిత శ్రీ వేంకటేశ్వర స్వామి దేవాలయంలో ఆంగ్ల నూతన సంవత్సరం సంద‌ర్భంగా తిరుమల వైఖానస ఆగమాన్ని అనుచరించి శ్రీ వేంకటేశ్వర స్వామి వారికి తిరుప్పావడ సేవ నిర్వహించారు. ఉదయం 4.30 గంటలకు సుప్రభాతసేవ, 5.30 గంట‌ల నుండి విశేష అర్చనలు, 6 గంటలకు తిరుప్పావడ అలంకారం, 6.30 గంటలకు విష్వక్సేన పూజ, 7.00 గంట‌ల నుండి పుణ్యవాహచనం, 7.30 గంట‌ల నుండి శ్రీ వేంకటేశ్వర స్వామి వారికి శత సహస్రనామ అర్చన, అనంతరం తిరుప్పావై గద్య పారాయణం నిర్వహించారు. ఈ పూజా కార్య‌క్ర‌మాల్లో ప‌రిస‌ర ప్రాంతాల‌కు చెందిన భ‌క్తులు అధిక సంఖ్య‌లో పాల్గొన్నారు. ఈ కార్యక్రమాల‌ను ఆలయ ప్రధాన అర్చకుడు సత్యసాయ ఆచార్యులు, అర్చక బృందం నిర్వహించారు.
Advertisement
