న‌మ‌స్తే శేరిలింగంప‌ల్లి: మాదాపూర్ డివిజన్ పరిధిలోని బిక్షపతి నగర్‌, సాయిన‌గ‌ర్‌ల‌లో శుక్ర‌వారం పట్టణ ప్రగతి కార్య‌క్ర‌మం నిర్వ‌హించారు. అధికారులు డిఈ రూపా దేవి, ఏఈ ప్రశాంత్, జ‌ల‌మండ‌లి మేనేజర్ నివర్థీల‌తో క‌ల‌సి స్థానిక కార్పొరేట‌ర్ వి.జ‌గ‌దీశ్వ‌ర్ గౌడ్ స్థానికంగా పర్యటించారు. ఈ సంద‌ర్భంగా ఆయ‌న మాట్లాడుతూ డివిజన్ పరిధిలోనీ బస్తిల్లలో/కాలనీలలో ఉన్న చెత్తను తొలగించడం, డ్రైనేజీ వ్యవస్థను శుభ్ర పరచడం, మురికి నీటి గుంతలను తొలిగించి పరిసరా ప్రాంతాలను పరిశుభ్రంగా చేయటమే లక్ష్యంగా పట్టణ ప్రగతి నిర్వహించడం జరుగుతుందని అన్నారు. ప్రతి సమస్య పరిష్కారానికి కృషి చేస్తామని తెలిపారు. ఈ కార్య‌క్ర‌మంలోఈ కార్యక్రమంలో నాయకులు మహేష్, చోటేమియ, దుర్గేశ్, ఎండీ.నయీం, రాజు, శేఖర్, దేవాయ్యా, కృష్ణ, విశ్వనాథ రెడ్డి, భీమయ్య, అహ్మద్, అసిస్టెంట్ ఎంటోమోలోజిస్ట్ గణేష్, శానిటేషన్ ఎస్ఆర్‌పీ శ్రీనివాస్‌రెడ్డి, ఎస్ఎఫ్ఏ ప్ర‌సాద్, నందు, ఎలక్ట్రికల్ సిబ్బంది ప్రేమ్‌ తదితరులు పాల్గొన్నారు.
