మాదాపూర్ (న‌మ‌స్తే శేరిలింగంప‌ల్లి): మాదాపూర్‌లోని మెడికవర్ హాస్పిటల్ వైద్యులు దక్షిణ భార‌త దేశంలోనే ఎక్క‌డా లేని విధంగా ఓ యువ‌కుడికి అత్యంత కీల‌క‌మైన క్రిటిక‌ల్ కార్డియాక్ శ‌స్త్ర చికిత్స‌ను విజ‌య‌వంతంగా నిర్వ‌హించారు. ఈ మేర‌కు హాస్పిటల్ వైద్యులు మంగ‌ళ‌వారం వివరాలను వెల్ల‌డించారు. నాగ్పూర్కు చెందిన 20 ఏళ్ల యువ‌కుడు మార్ఫన్ సిండ్రోమ్తో కూడిన ఆర్టిక్ డిసెక్షన్ వ్యాధి (కణజాలాన్ని ప్రభావితం చేసే వారసత్వ రుగ్మత) తో బాధపడుతూ మెడికవర్ హాస్పిటల్స్ కు వచ్చాడు. డాక్టర్ ప్రమోద్రెడ్డి, డాక్టర్ శరత్రెడ్డి టీమ్ ఆ యువ‌కుడికి ‘సింగిల్ స్టేజ్ ఫ్రోజెన్ ఎలిఫాంట్ ట్రంక్ టెక్నిక్’ ఉపయోగించి అతన్ని ప్రాణాపాయస్థితి నుంచి బయటపడేశారు.
మార్ఫన్ సిండ్రోమ్ వ్యాధి మనిషి శరీరంలోని కణాలను ఎక్కువ ప్రభావం చేస్తుంది. ముఖ్యంగా ఎముకలు, చర్మం, గుండె, రక్తనాళాలు, ఊపిరితిత్తులు, కళ్లు, నాడీ వ్యవస్థను బలహీనపరుస్తుంది. ఇలాంటి పరిస్థితిలో ఉన్న పేషెంట్కి ఫ్లోరోస్కోపీ, ఐవీయూఎస్ ఇమేజింగ్ ద్వారా సరైన మార్గాన్ని గుర్తించడానికి గైడ్ వైర్‌ను ప్రవేశపెట్టడంలో డాక్టర్ ప్రమోద్రెడ్డికి, ఇంటర్వెన్షనల్ కార్డియాలజిస్ట్ డాక్టర్ శరత్ రెడ్డి సహాయపడ్డారు. ఇది స్టెంట్ను సరైన స్థానంలో పెట్టడానికి చాలా ముఖ్యమైన దశ అని చెప్పొచ్చు. కార్డియాక్ టీమ్ ఎంతో క్లిష్టమైన ఫ్రోజెన్ ఎలిఫాంట్ ట్రంక్ ద్వారా సగానికి సగం ఆర్టిక్ (బృహద్ధమని)ని మూలాల నుంచి అమర్చి పేషెంట్ ప్రాణాలను కాపాడారు.
మెడికవర్ హాస్పిటల్ చీఫ్ కార్డియోతొరాసిక్ అండ్ ఆర్టిక్ సర్జన్ డాక్టర్ ప్రమోద్ రెడ్డి మాట్లాడుతూ..”ఆర్టిక్ డిసెక్షన్ అనేది అత్యవసర పరిస్థితి. ఇందులో గుండె రక్తనాళాల్లోని లోపలి పొర విడిపోతుంది. దానివల్ల పేషేంట్కి తీవ్రమైన ఛాతీ నొప్పి, వెన్నునొప్పి వస్తాయి. నెమ్మ‌దిగా ఆ నొప్పి మెడ, వెన్ను దిగువ భాగానికి చేరి శ్వాస సరిగా అందక మనిషి అపస్మారక స్థితిలోకి వెళ్లిపోతాడు. ఈ ఆర్టిక్ డిసెక్షన్ అనేది చాలా అరుదుగా కనిపించే వ్యాధి. పురుషుల్లో ఇది ఎక్కువగా 60, 70 ఏళ్ల వయసులోనే కనిపిస్తుంది” అన్నారు.
ఈ పద్దతిలో పేషెంట్ శరీరాన్ని 18–20 డిగ్రీల ఉష్ణోగ్రత వద్ద చల్లబర్చాలి. అలాగే 45 నిమిషాలపాటు ఒక్క మెదడుకు తప్ప మిగిలిన శరీర భాగాలకు రక్త ప్రసరణ ఆపేయాల్సి ఉంటుందని కూడా డాక్టర్లు చెప్తున్నారు. ఇంత క్లిష్టమైన సర్జరీ తర్వాత ప్రస్తుతం ఆ పేషెంట్ ఆరోగ్యం నిలకడగా ఉందని, అతను త్వరగా కోలుకుని మామూలు జీవితం గడుపుతాడని చెప్పారు. అలాగే సాధారణంగా ఇలాంటి కేసుల్లో మరణాల రేటు 30–40 శాతం వరకు ఉంటుందని, ఒక్కోసారి స్ట్రోక్ వచ్చే అవకాశం కూడా ఉంటుందన్నారు డాక్టర్ ప్రమోద్ రెడ్డి. ఆయనతో ఈ సర్జరీలో పాల్గొన్న డాక్టర్ శరత్రెడ్డి మాట్లాడుతూ.. ‘‘ఆర్టిక్ డిసెక్షన్ థెరపీలు చాలా క్లిష్టమైన పద్ధతులు. ఒక్కోరోజు ఆలస్యం అవుతున్నకొద్దీ మరణాల రేటు పదిశాతం పెరిగే అవకాశం ఉంటుంది. సాధారణంగా ఈ పద్ధతిని రెండు దశలుగా నిర్వహిస్తారు. కానీ మేము చాలా జాగ్రత్తగా స్పెషల్ ట్యూబ్ ద్వారా దీన్ని ఒకేదశలో పూర్తిచేశాం. ఈ ఫ్రోజెన్ ఎలిఫాంట్ ట్రంక్ టెక్నికల్ వల్ల అదనపు ఆపరేషన్ల అవసరం ఉండదు. పైగా లాంగ్ టర్మ్ సర్వవైల్ ఉంటుంది” అన్నారు.
