శేరిలింగంపల్లి, సెప్టెంబర్ 4 (నమస్తే శేరిలింగంపల్లి): సహజ రత్నాల సౌందర్యాన్ని సంప్రదాయ ఆభరణాల తయారీ నైపుణ్యంతో మేళవిస్తూ మలబార్ గోల్డ్ & డైమండ్స్ నైరా పేరుతో కొత్త సహజ రత్నాల ఆభరణాల కలెక్షన్ను విడుదల చేసింది. ప్రముఖ నటి, మోడల్ శ్రీనిధి శెట్టి ఈ కలెక్షన్కు ప్రచార ముఖచిత్రంగా వ్యవహరించనున్నారు. ఈ సందర్భంగా శ్రీనిధి శెట్టి నటించిన సరికొత్త ప్రచార చిత్రాన్ని కూడా ఆవిష్కరించారు.ఆంధ్రప్రదేశ్, తెలంగాణ, తమిళనాడు, కర్ణాటక రాష్ట్రాల్లో నిర్వహిస్తున్న జెమ్స్టోన్ జ్యువెలరీ ఫెస్టివల్ లో నైరా కలెక్షన్ ప్రధాన ఆకర్షణగా నిలవనుంది. ఈ ఫెస్టివల్లో భాగంగా రత్నాలు, అన్కట్ ఆభరణాల తరుగు ఛార్జీలపై వినియోగదారులకు 25 శాతం వరకు తగ్గింపు అందిస్తున్నట్లు సంస్థ తెలిపింది. ఈ ప్రత్యేక ఆఫర్ సెప్టెంబర్ 14 వరకు అందుబాటులో ఉంటుంది.
ప్రకృతి ప్రసాదించిన అరుదైన రత్నాల శాశ్వత సౌందర్యం నుంచి స్ఫూర్తి పొందిన నైరా కలెక్షన్ సంప్రదాయ చిల్లై, పచ్చి ఆభరణాల తయారీ కళను ఆధునిక డిజైన్తో మేళవించింది. బంగారంతో రూపొందించి, విలువైన సహజ రత్నాలతో పొదిగిన ఈ ఆభరణాల్లో శిల్ప రూపాలు, క్లిష్టమైన డిజైన్ అంశాలకు ప్రాధాన్యం ఇచ్చారు. కొత్త తరం వినియోగదారుల అభిరుచులకు అనుగుణంగా రూపొందించిన ఈ కలెక్షన్ ద్వారా సహజ రత్నాల ఆభరణాలకు సరికొత్త డిజైన్ శైలిని పరిచయం చేస్తున్నట్లు మలబార్ గోల్డ్ & డైమండ్స్ పేర్కొంది. రత్నాల ప్రత్యేకత, వాటి సహజ సౌందర్యం, సంప్రదాయ పనితనాన్ని ఆధునిక రూపకల్పనతో కలపడం నైరా ప్రత్యేకతగా సంస్థ వివరించింది. ఫెస్టివల్లో నైరా కలెక్షన్తో పాటు మలబార్ గోల్డ్ & డైమండ్స్ ప్రత్యేకంగా ఎంపిక చేసిన సహజ రత్నాలు, అన్కట్ ఆభరణాల శ్రేణిని కూడా ప్రదర్శిస్తోంది. వినియోగదారులు సహజ రత్నాల ఆభరణాల గురించి తెలుసుకోవడంతో పాటు వివిధ డిజైన్లను పరిశీలించి కొనుగోలు చేసే అవకాశం కల్పిస్తున్నట్లు సంస్థ తెలిపింది.
ఈ సందర్భంగా మలబార్ గ్రూప్ ఛైర్మన్ ఎం. పి. అహ్మద్ మాట్లాడుతూ.. రత్నాల ఆభరణాలు ప్రకృతి సౌందర్యం, హస్తకళా నైపుణ్యం, వినియోగదారుల వ్యక్తిత్వాన్ని ఒకచోట చేర్చుతాయని అన్నారు. నైరా ద్వారా సహజ రత్నాలను సరికొత్త డిజైన్, అత్యున్నత పనితనంతో ఆవిష్కరించాలనుకున్నామని తెలిపారు. రత్నాభరణాలకు ప్రత్యేక గుర్తింపునిచ్చే కళాత్మకత, సహజ స్వభావాన్ని కాపాడేలా నైరాను రూపొందించినట్లు చెప్పారు. బాధ్యతాయుతమైన ఆభరణాల వ్యాపారిగా నాణ్యత, పారదర్శకత, నమ్మకమైన కొనుగోలు ప్రమాణాలకు అనుగుణంగా ఉత్పత్తులను అందించడమే తమ లక్ష్యమని పేర్కొన్నారు. జెమ్స్టోన్ జ్యువెలరీ ఫెస్టివల్ ద్వారా ఈ ప్రత్యేక శ్రేణితో పాటు నైరా కలెక్షన్ను కీలక మార్కెట్లలోని వినియోగదారులకు మరింత చేరువ చేయాలని లక్ష్యంగా పెట్టుకున్నట్లు ఎం. పి. అహ్మద్ తెలిపారు.
