శేరిలింగంపల్లి, ఏప్రిల్ 18 (న‌మ‌స్తే శేరిలింగంపల్లి): కల్యాణ లక్ష్మి, షాదిముబారక్ పథకాల ద్వారా 193 మంది లబ్ధిదారులకు మంజూరైన రూ.1,93,22,388 ఆర్థిక సహాయాన్ని చెక్కుల రూపేణా లబ్ధిదారులకు PAC చైర్మన్ ఆరెకపూడి గాంధీ అందజేశారు. శేరిలింగంపల్లి మండలం పరిధిలోని కొండాపూర్, గచ్చిబౌలి, శేరిలింగంపల్లి, మాదాపూర్, మియాపూర్, హఫీజ్‌పేట్, చందానగర్ , భారతి నగర్(పార్ట్) డివిజన్ల పరిధిలోని పలువురికి మంజూరైన ఆర్థిక సహాయాన్ని లబ్ధిదారులకు మియాపూర్ లోని ఎమ్మెల్యే క్యాంప్ కార్యాలయంలో కార్పొరేటర్లు ఉప్పలపాటి శ్రీకాంత్, మంజుల రఘునాథ్ రెడ్డి, నార్నె శ్రీనివాసరావుల‌తో కలిసి చెక్కుల రూపేణా PAC చైర్మన్ ఆరెకపూడి గాంధీ అందచేశారు. ఈ కార్యక్రమంలో RI శ్రీనివాస్ , మాజీ కార్పొరేటర్లు, మాజీ కౌన్సిలర్లు, నాయకులు, కార్యకర్తలు, లబ్ధిదారులు, మహిళలు పెద్ద సంఖ్యలో పాల్గొన్నారు.
Advertisement
