న‌మ‌స్తే శేరిలింగంప‌ల్లి: మియాపూర్ డివిజన్ పరిధిలోని గురునాథ్ చెరువులో డ్రోన్ యంత్రం సహాయంతో గురువారం దోమల మందు పిచికారీ చేశారు. స్థానిక కార్పొరేట‌ర్ ఉప్పలపాటి శ్రీకాంత్ సిబ్బంది ప‌నితీరును ప‌ర్య‌వేక్షించారు. ఈ సందర్బంగా ఆయ‌న మాట్లాడుతూ దోమల బెడద గూర్చి కాలనీ వాసులు, చెరువు చుట్టూ పరిసర ప్రాంతాల ప్రజల విజ్ఞప్తి మేరకు ఈ రోజు ఎంటమాలజీ సిబ్బందితో డ్రోన్ యంత్రం సహాయంతో దోమల మందు పిచికారీ చేయించడం జరిగింద‌ని అన్నారు. మన ఇంటితో పాటు మన పరిసరప్రాంతాలను ఎప్పటికప్పుడు శుభ్రపర్చుకోవలని, అలాంటి శ్ర‌ద్ధ వ‌హించినప్పుడు ఎటువంటి రోగాలు దరిచేరవ‌ని అన్నారు. ఈ కార్యక్రమంలో ఎంటమాలజి ఏఈ గణేష్, జీహెచ్ఎంసీ పారిశుధ్య సిబ్బంది, తదితరులు పాల్గొన్నారు.
Advertisement
