దుబ్బాక (న‌మ‌స్తే శేరిలింగంప‌ల్లి): దుబ్బాక‌లో జ‌రుగుతున్న ఉప ఎన్నిక‌ల ప్ర‌చారంలో శేరిలింగంప‌ల్లి బీజేపీ నాయ‌కులు గురువారం పాల్గొన్నారు. శేరిలింగంప‌ల్లి డివిజ‌న్ బీజేపీ నాయ‌కుడు ఎం.శివ‌కుమార్ ఆధ్వర్యంలో ఆ పార్టీ నాయ‌కులు దుబ్బాక‌లోని పొలంప‌ల్లి గ్రామంలో పార్టీ అభ్య‌ర్థి రఘునందన్ రావు త‌ర‌ఫున ప్ర‌చారం చేశారు. రఘునందన్ రావు సూచ‌న మేర‌కు ఆ గ్రామంలో ప్ర‌చారం నిర్వ‌హించామ‌ని బీజేపీ నాయ‌కులు తెలిపారు. ఈ సంద‌ర్భంగా వారు మాట్లాడుతూ.. బీజేపీ అభ్య‌ర్థి రఘునందన్ రావుకు ఓటు వేసి ఎన్నిక‌ల్లో గెలిపించాల‌ని అన్నారు. ఈ కార్య‌క్ర‌మంలో బీజేపీ నాయ‌కులు నందనం విష్ణుద‌త్, సునీల్, కృష్ణమురళి, సాయిమురళీ, కృష్ణ, అరుణ్ పాల్గొన్నారు.
Advertisement
