మియాపూర్(నమస్తే శేరిలింగంపల్లి): మియాపూర్ ఆల్విన్ కాలనీ వద్ద టిఎస్ఆర్టీసి కార్గో సేవలు ప్రారంభమయ్యాయి. ఆల్విన్ కాలనీ బస్ స్టాప్ వద్ద నూతనంగా ఏర్పాటు చేసిన టిఎస్ఆర్టీసి కార్గో, కొరియర్, పార్సెల్ సర్వీస్ సెంటర్ ను సంస్థ డిప్యూటీ చీఫ్ అకౌంట్స్ ఆఫీసర్ లావన్న గురువారం లాంచనంగా ప్రారంభించారు. ఈ సందర్భంగా ఆయన మాట్లాడుతూ మియాపూర్ పరిసర ప్రాంతాల ప్రజలు టిఎస్ఆర్టిసి కార్గో కొరియర్ పార్సల్ సేవలను సద్వినియోగం చేసుకోవాలని పిలుపునిచ్చారు. తక్కువ ఛార్జీలతో నమ్మకమైన సేవలను అందించే టిఎస్ఆర్టిసి అభివృద్ధికి దోహదపడాలని కోరారు. ఈ కార్యక్రమంలో కుకట్ పల్లి డీవీఎం భవానీ ప్రసాద్, డిపో మేనేజర్ వెంకటేశం సిబ్బంది పాల్గొన్నారు.
Advertisement
