ఆల్విన్ కాలనీ (నమస్తే శేరిలింగంపల్లి): ఆల్విన్ కాలనీ డివిజన్ పరిధిలోని గణేష్ నగర్ కాలనీలో కార్పొరేటర్ దొడ్ల వెంకటేష్ గౌడ్ స్థానిక సమస్యలపై ఆదివారం బస్తీ బాట కార్యక్రమం నిర్వహించారు. ఈ సందర్భంగా కాలనీవాసులు.. కాలనీలోని డ్రైనేజీ లైన్ ప్రధాన లైన్ కంటే దిగువన ఉండటంతో వర్షం కురిసినప్పుడు నీరు వెనక్కి వచ్చి ఇబ్బంది పడాల్సి వస్తుందని ఆయనకు తెలియజేశారు.
![](https://namastheslp.com/wp-content/uploads/2020/10/dodla-varsham.jpg)
కార్పొరేటర్ స్పందిస్తూ.. నెలరోజుల లోపు డ్రైనేజీ నీరు రోడ్డుపై నిలవకుండా ప్రత్యామ్నాయంగా ప్రధాన రోడ్డు వద్ద ఉన్న డ్రైనేజీ కి అనుసంధానం చేసే డ్రైనేజీ లైను విస్తరిస్తామని కాలనీవాసులకు హామీ ఇచ్చారు. ఈ కార్యక్రమంలో డివిజన్ తెరాస యువ నాయకుడు దొడ్ల రామకృష్ణ గౌడ్, డివిజన్ అధ్యక్షుడు జిల్లా గణేష్, నాయకులు అర్వె రవి, శ్యామ్, యాదగిరి, పులియ, వెంకటేష్, రాజు, సంతోష్ తదితరులు పాల్గొన్నారు.
![](https://namastheslp.com/wp-content/uploads/2020/10/dodla-varsham-2.jpg)