నమస్తే శేరిలింగంపల్లి: విశ్వ వ్యాప్యంగా విశిష్టతను సాధించిన బతుకమ్మ పండగ సంబరాలు అమావాస్య రోజున ఘనంగా ప్రారంభమయ్యాయి. శేరిలింగంపల్లి నియోజకవర్గంలో మొదటి రోజు బుధవారం ఎంగిలి పూల బతుకమ్మను మహిళలు తీరొక్క పూలతో అందంగా అలంకరించి సంబరాలను జరుపుకున్నారు. ఆయా డివిజన్ల పరిధిలోని ప్రధాన కూడళ్ల వద్ద సాయంత్రం ఎంగిలిపూల బతుకమ్మకు పూజలు చేసి మహిళలు ఆనందోత్సవాల మధ్య బతుకమ్మ పండగ విశిష్టతను పాటల రూపంలో పాడుతూ చిన్నా పెద్ద అనే తేడా లేకుండా బతుకమ్మ ఆడారు. చందానగర్ డివిజన్ లో కార్పొరేటర్ మంజుల రఘునాథ్ రెడ్డి, హఫీజ్ పేట్ డివిజన్ లో కార్పొరేటర్ పూజిత గౌడ్ తోటి మహిళలతో కలిసి బతుకమ్మ ఆడారు. అనంతరం బతుకమ్మ ఘాట్ ల వద్ద ఎంగిలిపూల బతుకమ్మను నిమజ్జనం చేసి వారి వెంట తీసుకెళ్లిన తీర్థప్రసాదాలను స్వీకరించారు.
Advertisement
