శేరిలింగంప‌ల్లి, సెప్టెంబ‌ర్ 13 (న‌మ‌స్తే శేరిలింగంప‌ల్లి): చందానగర్ పోలీసుల‌కు ఓ గుర్తు తెలియ‌ని వ్య‌క్తి మృత‌దేహం ల‌భ్య‌మైంది. పోలీసులు తెలిపిన ప్ర‌కారం వివ‌రాలు ఈవిధంగా ఉన్నాయి. చందానగర్ మెయిన్ రోడ్డు ప‌క్క‌న ఓ వ్య‌క్తి మృత‌దేహం ఉంద‌న్న స‌మాచారం తెలుసుకున్న పోలీసులు సంఘ‌ట‌నా స్థ‌లానికి చేరుకున్నారు. ఆ వ్య‌క్తి వివ‌రాలు ప‌రిశీలించేందుకు జేబుల‌ను త‌నిఖీ చేశారు. కానీ అత‌ను ఎవ‌రు అనే ఆచూకీ ల‌భించ‌లేదు. ఈ క్ర‌మంలో ఆ మృత‌దేహాన్ని పోలీసులు పోస్టుమార్టం నిమిత్తం గాంధీ హాస్పిట‌ల్‌కు త‌ర‌లించి కేసు న‌మోదు చేసి ద‌ర్యాప్తు చేప‌ట్టారు. మృతుడు నలుపు రంగు జీన్ ప్యాంటు, బ్లూ క‌ల‌ర్ చొక్కా ధ‌రించి ఉన్నాడ‌ని, ఎవ‌రైనా గుర్తు పట్ట‌ద‌లిస్తే త‌మ‌ను సంప్ర‌దించాల‌ని పోలీసులు తెలిపారు.
Advertisement
