హఫీజ్ పెట్ (నమస్తే శేరిలింగంపల్లి): డివిజన్ పరిధిలోని హుడా కాలనీలో నూతనంగా చేపడుతున్న అండర్ గ్రౌండ్ డ్రైనేజీ పనులను మాదాపూర్ కార్పొరేటర్ వి జగదీశ్వర్ గౌడ్ తో కలిసి స్థానిక కార్పొరేటర్ వి.పూజిత జగదీశ్వర్ గౌడ్ మంగళవారం పరిశీలించారు. స్థానికంగా నెలకొన్న సమస్యలను కాలనీవాసులు కార్పొరేటర్ల దృష్టికి తీసుకువచ్చారు. కాలనీలో పాదయాత్ర నిర్వహించి పట్టభద్రుల ఎం.ఎల్.సి ఎన్నికలలో భాగంగా ఓటర్ నమోదుపై అవగాహన కల్పించారు. అర్హులకు ఫామ్ 18 పత్రాలను అందజేశారు.
అనంతరం ఇంజినీరింగ్ ఈ.ఈ చిన్న రెడ్డి కలిసి అభివృద్ధి పనులపై కార్పొరేటర్ వి. జగదీశ్వర్ గౌడ్ సమీక్ష సమావేశం నిర్వహించారు. ప్రాధాన్యత క్రమంలో చేపట్టాల్సిన అంశాలపై ఈఈతో చర్చించారు. ఈ కార్యక్రమంలో స్థానికులు మోసిన్, సాయినాథ్, ప్రసాద్, దేవేందర్, సాగర్, సాయి తదితరులు పాల్గొన్నారు..
Advertisement
