చందానగర్ (న‌మ‌స్తే శేరిలింగంప‌ల్లి): చందానగర్ డివిజన్ ప‌రిదిలోని జ‌వ‌హ‌ర్ నగర్ కాల‌నీకి చెందిన పార్వ‌తి అనే మ‌హిళ త‌న నివాసంలోని హ‌నుమాన్ ఆల‌యంలో నిర్వహించిన ప్రత్యేక పూజా కార్యక్రమంలో కార్పొరేటర్ మంజుల రఘునాథ్ రెడ్డి పాల్గొన్నారు. ఈ సంద‌ర్భంగా ఆమె ఆంజ‌నేయ స్వామిని ద‌ర్శించుకుని పూజ‌లు చేశారు.
అనంతరం మంజుల రఘునాథ్ రెడ్డి మాట్లాడుతూ.. గ్రేట‌ర్ ఎన్నిక‌ల ప్ర‌చారంలో భాగంగా ఈ హ‌నుమాన్ ఆల‌యాన్ని ద‌ర్శించుకోవ‌డం జ‌రిగింద‌ని, మ‌ళ్లీ ఎన్నిక‌ల్లో కార్పొరేట‌ర్‌గా గెలిచాక ఇప్పుడు హ‌నుమంతున్ని ద‌ర్శించుకుని పూజ‌లు చేశాన‌ని తెలిపారు. ఈ సంద‌ర్బంగా మంజుల రఘునాథ్ రెడ్డిని పార్వ‌తి స‌న్మానించి అభినంద‌న‌లు తెలిపారు. ఈ కార్యక్రమంలో టీఆర్ఎస్ నాయకులు లక్ష్మీ నారాయణ గౌడ్, ధనలక్ష్మీ, భవాని, వరలక్ష్మి పాల్గొన్నారు.
సహ పంక్తి భోజనం చేసిన కార్పొరేటర్ మంజుల రఘునాథ్ రెడ్డి…
చందానగర్ డివిజన్ పరిధిలోని బీఎన్ఆర్ పద్మజా నగర్ కాలనీ వాసులు మైసమ్మ దేవాలయంలో నిర్వహించిన ప్రత్యేక పూజా కార్యక్రమంలో కార్పొరేటర్ మంజుల రఘునాథ్ రెడ్డి పాల్గొన్నారు. కాలనీవాసులు మంజుల రఘునాథ్ రెడ్డిని సన్మానించారు. అనంతరం కాలనీ వాసులతో కలిసి కార్పొరేటర్ మంజుల రఘునాథ్ రెడ్డి సహ పంక్తి భోజనం చేశారు. ఈ కార్యక్రమంలో పద్మజా నగర్ కాలనీ వాసులు పాల్గొన్నారు.
