నమస్తే శేరిలింగంపల్లి : మాదాపూర్ డివిజన్ పరిధిలోని స్వాతి హైస్కూల్ వద్ద భారతరత్న మదర్ థెరిస్సా జయంత్యోత్సవాన్ని ఫ్రెండ్స్ వెల్ఫేర్ అసోసియేషన్ కన్వీనర్ తాడిబోయిన రామస్వామి యాదవ్ ఆధ్వర్యంలో ఘనంగా నిర్వహించారు. ఈ సందర్భంగా ఆమె చిత్రపటానికి పుష్పంజలి ఘటించి, కొవ్వొత్తులు వెలిగించి నివాళులు అర్పించారు. ఈ కార్యక్రమానికి ముఖ్య అతిథిగా ఆచార్య దేవారెడ్డి విజయలక్ష్మి (హైదరాబాదు సెంట్రల్ యూనివర్శిటీ) విచ్చేసి సేవారత్న పురస్కారాలు అందజేశారు.
మానవసేవే మాధవసేవగా భావించి, సేవలందిస్తున్న కర్మయోగులైన సత్యసాయి సేవా సంస్థలకు చెందిన దుగ్గిరాల సత్యప్రకాష్, దుగ్గిరాల సుజాత , టీ.వీ దయాసాగర్, తపస్వి అనాథ శరణాలయానికి సంబంధించిన శాంతి, సాయినేత్ర ఫౌండేషన్ ప్రధాన కార్యదర్శి మూగల రఘునందన్ రెడ్డి, రోటరీక్లబ్ అధ్యక్షురాలు శశిరేఖలకు మదర్ థెరిస్సా సేవారత్న పురస్కారాలు (శాలువ, జ్ఞాపిక, పగిడి, పుష్పగుచ్ఛాలతో ఘనంగా సత్కరించారు. అనంతరం ఆమె మాట్లాడుతూ, “తన సామాజిక సేవల ద్వారా ప్రపంచ స్థాయి గుర్తింపు పొంది, తన వ్యక్తి గత జీవితాన్ని త్యాగం చేసి, కష్టాలలో ఉన్న వారిని వెతికి మరీ సహా యమందించి, అమ్మగా మారిందని తెలిపారు.
అవార్డు గ్రహీతలు మరింతగా బాధ్యతతో సేవా కార్యక్రమాలు కొనసాగిస్తూ యువతలో స్ఫూర్తిని నింపాలని పిలుపునిచ్చారు. ఈ కార్యక్రమంలో రాగం మల్లికార్జున యాదవ్, ఫ్రెండ్స్ వెల్ఫేర్ అసోసియేషన్ సభ్యులు కొత్తపల్లి కోటేశ్వరరావు, వి. ఫణికుమార్, మూర్తి, వాణి సాంబశివరావు, డాక్టర్ బి సి రామన్న, పాకాలపాటి శ్రీనివాస్, డి.వి. కృష్ణా రావు పాల్గొన్నారు.
