వెలుగులు నింపేందుకు కంటి వెలుగు

• కంటి వెలుగు కేంద్రాన్ని పరిశీలించిన చందానగర్ డివిజన్ కార్పొరేటర్ మంజుల రఘునాథ్ రెడ్డి

చందానగర్ డివిజన్ పరిధిలోని పిజెఆర్ స్టేడియంలో నిర్వహిస్తున్న కంటి వెలుగు కేంద్రాన్ని చందానగర్ డివిజన్ కార్పొరేటర్ మంజుల రఘునాథ్ రెడ్డి పరిశీలించారు. ఈ సందర్భంగా చందానగర్ డివిజన్ కార్పొరేటర్ మంజుల రఘునాథ్ రెడ్డి మాట్లాడుతూ ముఖ్యమంత్రి కేసీఆర్ ఎంతో ప్రతిష్టాత్మకంగా ప్రవేశపెట్టిన కంటి వెలుగు పథకం విజయవంతంగా నడుస్తుందన్నారు. వృద్దులు, కంటి సమస్యలు ఉన్న వారి కోసం వారి జీవితాలలో వెలుగులు నింపాలనే ముఖ్య ఉద్దేశ్యంతో రాష్ట్ర ప్రభుత్వం పనిచేస్తుందన్నారు. కంటి సమస్యలు ఉన్న ప్రతి ఒక్కరు కంటి వెలుగు కేంద్రంలో ఉచిత కంటి పరిక్షలు నిర్వహించుకోవాలని అవసరమైన వారికి కళ్ళద్దాలు పంపిణీ చేయడం జరుగుతుందని అవసరమైన వారికి కంటి అపరేషన్లు రాష్ట్ర ప్రభుత్వం నిర్వహిస్తున్నట్లు తెలిపారు.

Advertisement