నమస్తే శేరిలింగంపల్లి: చందానగర్ లోని విశాఖ శ్రీ శారదా పీఠ పాలిత శ్రీ వేంకటేశ్వర స్వామి దేవాలయ సముదాయంలో కళ్యాణ మహోత్సవం ఘనంగా జరిగింది. శ్రీవారి జన్మ నక్షత్రం శ్రవణం శనివారం సందర్భంగా ఉదయం 10గంటలకు శ్రీ పద్మావతి మాత శ్రీ గోదాదేవి మాత సమేత శ్రీ వేంకటేశ్వర స్వామి వారి కళ్యాణం మహోత్సవమును సామూహికంగా జరిపించారు. ఈ కళ్యాణ మహోత్సవ కార్యక్రమంలో సుమారు 22 జంటలు పాల్గొన్నారు. అనంతరం భక్తులకు అన్నప్రసాద వితరణ చేపట్టారు. ఈ కార్యక్రమంలో కార్యవర్గ సభ్యులు, పరిసర ప్రాంత భక్తులు, దేవాలయ సేవా సమితి సభ్యులు, అధిక సంఖ్యలో పాల్గొని శ్రీవారి కళ్యాణం వీక్షించి హారతి తీర్థ ప్రసాదాలు స్వీకరించారు.
Advertisement
