నమస్తే శేరిలింగంపల్లి: సంగారెడ్డి జిల్లా రామచంద్రపురం పట్టణంలోని సదర్ ఉత్సవ కమిటీ అధ్యక్షుడు ఊరేళ్ల రాజు యాదవ్, బీజేవైఎం సంగారెడ్డి జిల్లా సోషల్ మీడియా కో కన్వీనర్, బీసీ విద్యార్థి సంఘం సంగారెడ్డి జిల్లా అధ్యక్షుడు ఉరేళ్ల మహేష్ యాదవ్ ఆధ్వర్యంలో సదర్ ఉత్సవం ఘనంగా నిర్వహించారు. వారి ఇంటి వద్ద శ్రీకృష్ణుడి విగ్రహానికి, గోమాతకు పూజలు నిర్వహించారు.. అనంతరం దున్నపోతుల విన్యాసాలు ఆకట్టుకున్నాయి. ఈ కార్యక్రమానికి ముఖ్యఅతిథిగా కొండాపూర్ బిజెపి పార్టీ కంటెస్టెడ్ కార్పొరేటర్ రఘునాథ్ యాదవ్, వివిధ పార్టీ నాయకులు హాజరయ్యారు. ఈ సందర్భంగా రాజు యాదవ్ మాట్లాడుతూ ఈ సంవత్సరం కూడా దున్నపోతుల విన్యాసాలు నిర్వహించామన్నారు. సహకరించిన ప్రతి ఒక్కరికి ధన్యవాదాలు తెలిపారు. కొన్ని కారణాల వాళ్ళ రెండు రోజులు కార్యక్రమాన్ని జరుపుకుంటున్నామని, వచ్చే ఏడాది ఎలాంటి విభేదాలు లేకుండా కలిసికట్టుగా సదర్ ఉత్సవం నిర్వహిస్తామని తెలిపారు.
