శేరిలింగంపల్లి, న‌వంబ‌ర్ 20 (న‌మ‌స్తే శేరిలింగంపల్లి): మియాపూర్ డివిజన్ పరిధిలోని ఎస్ఎంఆర్ హై ల్యాండ్ అపార్ట్మెంట్స్ వెల్ఫేర్ అసోసియేషన్ కు నూతనంగా ఎన్నుకోబడిన అసోసియేషన్ నూతన కార్యవర్గ సభ్యులు మియాపూర్ డివిజన్ కార్పొరేటర్, జిహెచ్ఎంసి స్టాండింగ్ కమిటీ సభ్యుడు ఉప్పలపాటి శ్రీకాంత్ ని మర్యాదపూర్వకంగా కలిశారు. అనంతరం నూతన కార్యవర్గ సభ్యులను కార్పొరేటర్ ఉప్పలపాటి శ్రీకాంత్ అభినందించారు. ఈ సందర్భంగా కార్పొరేటర్ శ్రీకాంత్ మాట్లాడుతూ… ఎస్ఎంఆర్ హై ల్యాండ్ అపార్ట్మెంట్స్ వెల్ఫేర్ అసోసియేషన్ కు నూతనంగా ఎన్నుకోబడిన కార్యవర్గ సభ్యులకు శుభాకాంక్షలు తెలియజేశారు.
వెల్ఫేర్ అసోసియేషన్ వాసులు అపార్ట్మెంట్స్ వెల్ఫేర్ అసోసియేషన్ అభివృద్ధికి ప్రతి ఒక్కరు కృషి చేయాలని, ఏ చిన్న సమస్య అయినా తన దృష్టికి తీసుకువస్తే వెంటనే పరిష్కరిస్తానని తెలిపారు. ఈ కార్యక్రమంలో ఎస్ఎంఆర్ హై ల్యాండ్ అసోసియేషన్ గౌరవ అధ్యక్షుడు మల్లారెడ్డి, గౌరవ ఉపాధ్యక్షుడు సదానంద, అధ్యక్షుడు నర్సిరెడ్డి, ఉపాధ్యక్షులు జై తీర్థ, నవీన్, జనరల్ సెక్రెటరీ లక్ష్మణ్ రావు, అసోసియేషన్ సభ్యులు పిచ్చయ్య, హరి కిషోర్, శోభ, సుగుణ, బాలరాజ్, రాజేష్ పాండే, వాణి, కళ్యాణ్, వేదశ్రీ తదితరులు పాల్గొన్నారు.
