గ‌చ్చిబౌలి (న‌మ‌స్తే శేరిలింగంప‌ల్లి): ఇంట్లో చెప్ప‌కుండా బ‌య‌ట‌కు వెళ్లిన ఓ వ్య‌క్తి అదృశ్య‌మ‌య్యాడు. గ‌చ్చిబౌలి పోలీస్ స్టేష‌న్ ప‌రిధిలో చోటు చేసుకున్న ఈ సంఘ‌ట‌న‌కు సంబంధించి పోలీసులు తెలిపిన ప్ర‌కారం వివ‌రాలు ఈ విధంగా ఉన్నాయి. గ‌చ్చిబౌలిలోని గౌలిదొడ్డి కేశ‌వ‌న‌గ‌ర్‌లో నివాసం ఉండే వ‌డ్డెనూగుల ఉల్గ‌ప్ప (33) స్థానికంగా తాపీ ప‌నులు చేసుకుంటూ జీవ‌నం సాగిస్తున్నాడు. కాగా అక్టోబ‌ర్ 26న మ‌ధ్యాహ్నం 1 గంట‌కు ఉల్గ‌ప్ప ఇంట్లో ఎవ‌రికీ చెప్ప‌కుండా బ‌య‌ట‌కు వెళ్లి తిరిగి రాలేదు. దీంతో అత‌ని ఆచూకీ కోసం వెదికినా తెలియ‌క‌పోవ‌డంతో అత‌ని సోద‌రుడు వ‌ల్లెపు రాజు గ‌చ్చిబౌలి పోలీసుల‌కు ఫిర్యాదు చేశాడు. ఈ క్ర‌మంలో పోలీసులు కేసు న‌మోదు చేసుకుని ద‌ర్యాప్తు చేప‌ట్టారు.
Advertisement
