నమస్తే శేరిలింగంపల్లి: చందానగర్ డివిజన్ పరిధిలోని విద్యానగర్, శుభోదయ కాలనీ, సత్య కాలనీ, అర్జున్ రెడ్డీ కాలనీలలో ప్రజలకు అందుబాటులో ఉండేలా ఏర్పాటు చేసిన స్పెషల్ వాక్సినేషన్ డ్రైవ్ ను మంగళవారం చందానగర్ డివిజన్ కార్పొరేటర్ మంజుల రఘునాథ్ రెడ్డి పరిశీలించారు. ఈ సందర్భంగా ఆమె మాట్లాడుతూ బస్తీల్లో పూర్తి స్థాయిలో కొవిడ్‌ వ్యాక్సిన్ అందజేయాలని ముఖ్యమంత్రి కేసీఆర్‌ ఆదేశాల మేరకు 15 రోజుల పాటు ఈ ప్రత్యేక వ్యాక్సినేషన్ డ్రైవ్ నిర్వహిస్తున్నట్లు తెలిపారు. ప్రజలందరు ఈ అవకాశాన్ని సద్వినియోగం చేసుకోవాలన్నారు. ఈ కార్యక్రమంలో చందానగర్ డివిజన్ టిఆర్ఎస్ పార్టీ అధ్యక్షుడు రఘునాథరెడ్డి, టిఆర్ఎస్ నాయకులు కాలనీ వాసులు నీలంకంఠ రెడ్డి, శ్రీకాంత్, దామోదర్ రెడ్డి, సందీప్ రెడ్డి , అవినాష్ రెడ్డి, శ్రీకాంత్ రెడ్డి తదితరులు పాల్గొన్నారు.
Advertisement
