నమస్తే శేరిలింగంపల్లి: మాదాపూర్, హఫీజ్ పేట్ డివిజన్ల పరిధిలోని ముస్లిం సోదరులకు మాదాపూర్ డివిజన్ కార్పొరేటర్ జగదీశ్వర్ గౌడ్ బక్రీద్ పండుగ శుభాకాంక్షలు తెలిపారు. బక్రీద్ పండుగను పురస్కరించుకుని హఫీజ్ పేట్ డివిజన్ పరిధిలోని శాంతి నగర్ మసీద్ లో ముస్లిం సోదరులను నేరుగా కలిసి ప్రత్యేక శుభాకాంక్షలు తెలిపారు. బక్రీద్ పండుగ త్యాగనిరతి, దేవునిపట్ల సంపూర్ణ భక్తి, విశ్వాసం, పేదల పట్ల కరుణ, దాతృత్వానికి ప్రతీకగా నిలుస్తుందన్నారు. ఇబ్రహీం ప్రవక్త త్యాగానికి ప్రతీకగా ప్రతి ఏటా ముస్లిములు బక్రీద్ పర్వదినాన్ని జరుపుకోవడం జరుగుతుందని మాదాపూర్ డివిజన్ కార్పొరేటర్ జగదీశ్వర్ గౌడ్ అన్నారు. అల్లాహ్ చల్లని ఆశీస్సులు అందరిపై ఉండాలని ఆకాంక్షించారు.
Advertisement
