పాల్గొన్న గచ్చిబౌలి కార్పొరేటర్ గంగాధర్ రెడ్డి, బీజేపీ రాష్ట్ర కార్యవర్గ సభ్యులు రవికుమార్ యాదవ్
నమస్తే శేరిలింగంపల్లి : ఆజాదికా అమృత్ మహోత్సవ్ కార్యక్రమంలో భాగంగా గచ్చిబౌలి డివిజన్, నానక్ రామ్ గూడా గ్రామంలో హర్ ఘర్ తిరంగా బైక్ ర్యాలీ నిర్వహించారు. ఈ ర్యాలీలో గచ్చిబౌలి కార్పొరేటర్ గంగాధర్ రెడ్డి, బీజేపీ శ్రేణులతో కలిసి బీజేపీ రాష్ట్ర కార్యవర్గ సభ్యులు రవికుమార్ యాదవ్ పాల్గొన్నారు.
అనంతరం మాట్లాడుతూ స్వాతంత్రం వచ్చి 77 సంవత్సరాలు పూర్తై 78 వ సంవత్సరంలో అడుగుపెడుతున్న సందర్భంగా ప్రియతమ ప్రధాని నరేంద్ర మోదీ మన దేశం మన జెండా నినాదంతో ప్రతి ఇంటిపై మన దేశ గౌరవం, మన జెండా ఎగరాలనే సంకల్పంతో ప్రత్యేకంగా ఈ కార్యక్రమం రూపొందించారని అన్నారు.
మన దేశంలోని ప్రతి పౌరుడు మన జాతీయ జెండాను మొబైల్ వాట్స్ ఆప్ స్టేటస్ లలో, ఫేస్బుక్ , ఇన్స్టాగ్రాం ,ఎక్స్ , సోషల్ మీడియా ప్లాట్ ఫామ్ లలో జాతీయ జెండాను ప్రమోట్ చేయాలని కోరారు. ఈ కార్యక్రమంలో వసంత్ యాదవ్, హనుమంత్ నాయక్, మీన్ లాల్, వరలక్ష్మి, శివాసింగ్, వినితా సింగ్, గోపాల్, కిషన్ , రంజిత్, సీతా, కవితా భాయి, సంకేశ్, బబ్లూ, నరసింహ, ప్రకాష్, స్థానిక నాయకులు, కార్యకర్తలు అభిమానులు పాల్గొన్నారు.
