- పెద్దసంఖ్యలో పాల్గొని పూజలు చేసిన భక్తులు
నమస్తే శేరిలింగంపల్లి: చందానగర్ వెంకటేశ్వరస్వామి దేవాలయంలో నిర్వహిస్తున్న సప్రవింశ బ్రహ్మోత్సవాల్లో భాగంగా శుక్రవారం శ్రీవారికి పుష్పాలంకరణ చేసి గరుడ వాహన సేవలు అందించారు. పెద్ద సంఖ్యలో భక్తులు పాల్గొని శ్రీవారి కృపాకటాక్షాలకు పాత్రులయ్యారు. కార్యక్రమంలో ఉదయం 7.30 గంటలకు సంకల్పము, అష్టోత్తర శత కలశాభిషేకం, 10:30 గంటలకు సామూహిక లక్షకుంకుమార్చన, మధ్యాహ్నం 12 గంటలకు హారతి, తీర్థ ప్రసాద కార్యక్రమాలు నిర్వహించారు. గురువారం ఉదయం గం. 7:30గంటలకు నిత్యాపాశనం, 8:30 నుండి 9:30 వరకు వరకు ఉత్సవాస్తస్నాపనం, 10:00 నుండి 11:30 వరకు దుష్ట గ్రహ నివారణార్ధం మహా సుదర్శన హోమం, మధ్యాహ్నాం 12 గంటలకు హారతి, తీర్థప్రసాదములు, సాయంత్రం 6:30 నుండి 7:30 గంటల వరకు నిత్యోపాసనం, రాత్రి 7:30 నుండి 8:30 వరకు గరుడవాహన సేవ, సహస్ర దీపాలంకార సేవ, రాత్రి 9:00 గంటలకు హారతి, తీర్థప్రసాదములు నిర్వహించారు. జూబ్లిహిల్స్ వాసి కె. సత్యనారాయణరాజు శ్రీవారికి పుష్పాలంకరణ, గరుడవాహనసేవ, అన్నప్రసాద వితరణ, సహస్ర దీపాలంకార సేవ చేయించారు.
