నమస్తే శేరిలింగంపల్లి: ప్రజలందరూ సుఖ సంతోషాలతో, ఆయురారోగ్యాలతో జీవించేలా చూడాలని, చేపట్టబోయే పనులకు విఘ్నాలు తొలగించాలని చందానగర్ మాజీ కార్పొరేటర్, బొబ్బ చారిటబుల్ ట్రస్ట్ డైరెక్టర్ బొబ్బ నవతా రెడ్డి విఘ్నేశ్వరున్ని వేడుకున్నారు. చందానగర్ డివిజన్ పరిధిలోని పలు కాలనీలలో ఏర్పాటు చేసిన వినాయక మండపాలను నవతా రెడ్డి సందర్శించి ప్రత్యేక పూజలు నిర్వహించారు. ఇందిరానగర్ బస్తీ, బిక్షపతి ఎన్ క్లేవ్, తదితర కాలనీల మండప నిర్వహాకుల ఆహ్వానం మేరకు నవతా రెడ్డి మండపాలను సందర్శించి కాలనీ వాసులతో కలిసి ప్రత్యేక పూజలు చేశారు. ఆమె వెంట ఆయా కాలనీల వాసులు, మండపాల నిర్వాహకులు పాల్గొన్నారు.
Advertisement
